زلاغيط شامية

أوها ام العروس الله يعطيكي..
أوها والسعادة بتواتيكي..
أوها وعئبال فرحتك بالكمالة..
اوها وبنجي بنكافيكي..
ليليليشششش..


ولأم العريس:
اوها ام العريس انا جوعانة..
اوها وبدنا صفيحة مئمرة..
اوها وانشالله بتضلي سالمة..
اوها وديارك معمرة..
ليليلييييييش

وجوات العرس هدول الزلاغيط:
أوها سعيد يا واحد..
أوها محمد يا اتنين..
أوها واللي ما بيصلي عالنبي (اللهم صلي على سيدنا محمد)
أوها يعدم العينتين..
ليليليليييييش


أوها يا عريس لا تعبس..
أوها فريد البئجة والبس..
أوها شواربك عروء الريحان..
أوها وسوالفا عروء النرجس..
ليليلييييييش

وهي زلغوطة ام العروس او ام العريس
أوها يا جماعة كلكون
أوها وما نسينا فضلكون
أوها واليوم عنا
أوها وانشا الله بكرة عندكون
ليليليلييييييييش


اوها عاللعلعي عاللعلعي
اوها ويا صبايا تجمعي
اوها ويا ليل طول طول
اوها ويا شمس لا تطلعي
وليليليييييييش


اوها ويا صحن نجاص
اوها ومكلل بالألماس
اوها ويلي بياخذ بنت فلان
اوها بيمشي مرفوع الراس
ليليليييييييش

اوها وطبخنا مجدرة
اوها ومجللة بالكزبرة
اوها وعروستنا حلوة
اوها ومابدها غندرة
ليليليلييييييييييش


اوها ويا صحن تين
اوها ومجلل بالياسمين
اوها وعروستنا زغيره
اوها وما طبقت العشرين
ليليلييييييييييش

اوها جبتلك الطرحة طية على طية
اوها طية من الشام وطية شغل ايدي
اوها طللي من الشباك وقولي بخاطرك ياخييّ
اوها انا غريبة ابئو طلو عليي
وليليليلييييييييييش

اوها على شجرة بيتنا في رمانة
اوها حامضة ولفانة
اوها وحلفنا مانئطفا
اوها الا لتتجوز(فلانة) بالسلامة
وليليليليييييييييييش

اوها وياما ئعدو جنبي
اوها وياما حرئو ئلبي
اوها وئالو ( فلان ) مابيتجوز
اوها تجوز ونصرني ربي
وليليليليييييييييش


اوها يا عريس ريتو مبارك
اوها يا عريس السبع بركات
اوها انشالله لما يجيك الصبي
اوها بتكمل الفرحات
ليليليلييييييييييييش


اوها وامشي دئا دئا
اوها يا صنوبر منئى
اوها كل الفرحات بطالة
اوها الا فرحتنا من حئا
ليليليليييييييييييش


اوها وبناتنا مخباية
اوها ورجالنا مرباية
اوها وجهازنا عالموضة
اوها سجادة ومراية
ليليليييييييييييييش


اوها صلو عالنبي
اوها وزيدو صلاتو
اوها ويلي مابيصلي عليه
اوها تطء مرارتو
ليليليلييييييييييش



اوها وديارنا كبيرة
اوها ودرج الحمام فيا
اوها وام العريس فرحانة
اوها الله يهنيا
ليليليليييييييييييييش

تقال للعروس:

اويها .. ياعرق الماس..

اويها .. ومشكول بالراس..

اويها .. وعروستنا حلوة

اويها .. وصلو على النبي يا ناس..

ليليلييييييش


- تقال للصبايا:

اويها .. على الهدى الهدى..

اويها .. وما كل الصبايا سوى..

أويها .. ويا صبايا عيلتنا..

اويها .. و شوارب اباءكم تلعلع بالهوى..

ليليلييييييش


اويها ويا صحن رز بحليب
اويها وكل ما برد بيطيب
اويها ونحنا اهليه
اويها وما في حدا غريب
ليليلييييييش
<!--[if !supportLineBreakNewLine]-->
<!--[